ციკლოვკა – იატაკის მოხვეწა

გთავაზობთ იატაკის ციკლოვკის, მოხვეწის სერვისს. სამუშაოებს შეასრულებენ პროფესიონალი და კეთილსინდისიერი ხელოსნები

გთავაზობთ იატაკის ციკლოვკის, მოხვეწის სერვისს. სამუშაოებს შეასრულებენ პროფესიონალი და კეთილსინდისიერი ხელოსნები სრულად »
დახურვა
ციკლოვკა – იატაკის მოხვეწა

გთავაზობთ იატაკის ციკლოვკის, მოხვეწის სერვისს. სამუშაოებს შეასრულებენ პროფესიონალი და კეთილსინდისიერი ხელოსნები

ამ სორტირებით არაფერი მოიძებნა

ციკლოვკა საკუთრი ხელით ოდესმე გაგიკეთებია?

შემარყია ამ გოგომ. ელენემ... წუხელ დამირეკა. ჩემი სტუდენტობის მეგობარია, ციკლოვკის გაკეთებას აპირებს საკუთარი ხელით 150 კვადრატზე. წარმოგიდგენია?  ქმარს დასცილდა და მგონი აღარ იცის საით მიმართოს მოზღვავებული ენერგია.

ბაბუამისის დაგებული პარკეტი აქვს სახლში. მიცეკვია ამ პარკეტზე სტუდენტობისას და მიწმენდია მეორე დღეს. გოგოები ვიკრიბებოდით ხოლმე, უშუქობა რომ იყო და ქვეყანა იქცეოდა. რადიო გვქონდა ელემენტებზე. ღამეებს ვათენებდით. გვიხაროდა ახალგაზრდობა და ცხოვრება.

ახლა ჩემი ძვირფასი ფროილაინ ელენე მოწადინებულია ხელოსნის გარეშე გააკეთოს 150 კვადრატზე ციკლოვკა. (ციკლოვკა ვამბობ, მოხვეწა არის მგონი ქართული სიტყვა. ხან ერთს გამოვიყენებ, ხან მეორეს)

ჰოდა სხვას ვის, თუ არა მე მომადგა. იცის, რომ  მთელი ცხოვრება რემონტებში ვარ. შეკეთება, გადაკეთება, ავეჯისთვის ადგილის და ფუნქციის შეცვლა ჩემი სისუსტეა.

უნდა გამოგიტყდე:

იატაკის მოხვეწა ჩემთვისაც ახალი ხილია, თუმცა უარს ვერ ვეტყვი ელენეს. უნდა დავეხმარო. ჩაერთვები შენც? ნელ ნელა დეტალებში გავერკვიოთ და შემდეგ დისერტციაზეც ვიფიქროთ.

ციკლოვკის თეორია

სამეცნიერო ხარისხისთვის თეორია გვჭირდება. მცირედი მაინც. ინფორმაციის მოძიების პირველი წყარო - თანამედროვე სამყაროში ინტერნეტია. საინტერესოა რას ამბობს ქართული ვიკიპედია ტერმინზე მოხვეწა. https://ka.wikipedia.org/wiki თურმე არც არაფერს. ვეძებთ და ჩამიჩუმი არ ისმის. არსაიდან ხმა არსით ძახილი. როგორც ჩანს ციკლოვკამდე არ არიან ჯერ მისული ქართველი ვიკიავტორები.

 

არა უშავს, თავად განვმარტოთ, მაგალითად ასე: მოხვეწა არის ხის ზედაპირის დამუშავების პროცესი. რომლის დროსაც ხდება ხის თხელი ფენის აფხეკა, ხის ზედაპირის შემდგომი გალაქვის ან დაზეთვის მიზნით.

მივყვეთ თანამიმდევრობით. პირველი კითხვა, რაც ლოგიკურად გვიჩნდება არის

შეიძლება თუ არა ყველა პარკეტს გაუკეთდეს ციკლოვკა?

არა. ციკლოვკის დროს პარკეტი თხელდება, ამიტომ მოხვეწა უსასრულოდ არ შეიძლება. პარკეტი რომ მოვხვეწოთ მას უნდა ქონდეს ამის რესურსი. ანუ საკმარისი მოხვეწადი სისქე. ამ სისქეს სხვანაირად მუშა სისქეს ეძახიან პარკეტის ღარიდან მის ზედაპირამდე.

ციკლოვკის შედეგად პარკეტი 0,5 მმ დან 1 მმ -მდე თხელდება. ამიტომ თუ გვსურს პარკეტი დიდხანს გვემსახუროს წამდაუწუმ არ უნდა ვაციკლოვკოთ.

მეორე მიზეზი, რის გამოც პარკეტს ციკლოვკა ვერ გაუკეთდება ის შემთხვევაა, როცა პარკეტი ამოვარდნილია და ყანყალებს. ამ შემთხვევაში პარკეტი ჯერ უნდა გამაგრდეს.

 

ფროილაინ ელენეს პარკეტი ამ კუთხით ჯერ კიდევ ფორმაშია, ციკლოვკის გაკეთება შესაძლებელია.

 

შესაძლებელია თუ არა თავად გავაკეთოთ ციკლოვკა?

შეუძლებელი არაფერია, მაგრამ გამოგიტყდები არ მესმის, რატომ უნდა გინდოდეს თავად აკეთო სახლში ციკლოვკა, მით უმეტეს ქალმა. ერთადერთი გამართლება ალბათ ის არის, რომ არ გაქვს საკმარისი თანახა გადაუხადო ხელოსანს და ამის პარალელურად იატაკი უკვე ძალიან გიწეწავს ნერვებს. ჩემი ფროილაინს ფული ნამდვილად აქვს, მაგრამ რომ აიჩემებს რამეს, ვერ გადაათქმევინებ.

შენც ასეთი არ?

ანუ უნდა მოვიფიქროთ როგორ გავაკეთოთ ციკლოვკა. ძალიან ძნელიც არ უნდა იყოს.

მთავარი პრინციპია რომ იატაკი კარგად მოიშქურკოს - მოზუმფარდეს. შქურკას ქართულად ზუმფარა ქვია თურმე, ანუ მოშქურკვა მოზუმფარება უნდა იყოს.

 

გასათვალისწინებელია, რომ იატაკი თანაბრად კარგად უნდა მოზუმფარდეს. ასე ლაქის ან ზეთის წასმის შემდებ იატაკს ერთგვაროვანი ვიზუალი ექნება.

 

რა იარაღები გამოვიყენოთ?

მოციკლოვკება ხდება როგორც წესი სპეციალური ციკლოვკის დანადგარებით. საქართველოში აქტიურ მოხმარებაშია რუსული და გერმანული დანადგარები. გავერკვიოთ რა შემთხვევაში გამოიყენება ისინი და

რა სახის ციკლოვკა არსებობს?

რუსულ ციკლოვკას საქართველოში ეძახიან 1 დანადგარით იატაკის დამუშავებას, ან რუსულით, ან გერმანული ჰუმელით

გერმანულს ეძახიან ციკლოვკას, რომელიც გერმანული დანადგარით ტრიო ბოლოვდება

 

რუსული ციკლოვკა რუსული დანადგარით.

რუსული დანადგარი ლენტური სისტემით მუშაობს და განკუთვლნილია შავი სამუშაოს შესასრულებლად. მასში ერთიანი ლენტი არ მონტაჟდება და ამიტომ გადაბმის ადგილები კვალს იტოვებს. თუ ციკლოვკის ხელოსანი გამოცდილი არ არის რუსული აპარატი პარკეტზე ღრმულებს დატოვებს. ამ აპარატით დამუშავებული პარკეტის ზედაპირი იდეალური არ არის.

რუსული ციკლოვკა გერმანული დანადგარით 

რუსული აპარატის მსგავს ლენტურ პრინციპზე მუშაობს ასევე გერმანული ციკლოვკის დანადგარი ჰუმელი. რუსული აპარატისგან განსხვავებით მასში ერთიანი ლენტური ზუმფარა მონტაჟდება, ამიტომ გადაბმა არ აქვს.

თუ რუსულ ციკლოვკას ვაკეთებთ, რაც მნიშვნელოვნად იაფია ჯობია მოვიძიოთ ისეთი ხელოსანი, რომელიც რუსულ ციკლოვკას გერმანული ჰუმელით გააკეთებს.  ფასი შეიძლება 1 ან 2 ლარში განსხვავებული იყოს, რადგან ჰუმელის ზუმფარები უფრო მეტი ღირს ვიდრე რუსულის, მაგრამ ჩიტი ბრდღვნად ღირს როგორც ამბობენ. შედეგად უკეთეს ზედაპირს ვიღებთ.

როგორც ამბობებ ჰუმელის მართვასაც შესაბამისი უნარები სჭირდება. მაგალითად თუ მომუშავე ჰუმელი კედელს დავაჯახეთ პარკეტზე კრატერს გავაჩენთ და შიგ ჩავვარდებით.

გერმანული ციკლოვკა

თუ გერმანულ ციკლოვკას ვაკეთებთ, მაშინ პრინციპული მნიშვნელობა არ აქვს შავ სამუშაოს რუსული დანადგარი გააკეთებს, თუ გერმანული ჰუმელი. მთავარია ფინიშზე ტრიომ იმუშავოს და კარგად მოაპრიალოს იატაკი.

ასევე ხელოსანმა იატაკის მდგომარეობის გათვალისწინებით შეიძლება გამოიყენოს მხოლოდ ტრიო.

 

დგება თუ არა ციკლოვკის დროს მტვრის კორიანტელი ოთახში?

 

თუ ციკლოვკის დანადგარები გამართულია, მტვერი სპეციალურ ტომარაში გროვდება და პროცესი მტვრის გარეშე მიმდინარეობს.

 

რა ხდება კუთხეებში, სადაც დანადგარები ვერ მიდის?

პრობლემურია მოხვეწა რთულად მისადგომ ადგილებში, მაგალითად ბატარეის ქვეშ, კუთხეებში და ოთახის კიდეებში. ამ ადგილებს ზოგიერთი ხელოსანი ე.წ. ბალგარკით ამუშავებს. ბალგარკა მტვრიანია და ხარისხი რბილად რომ ვთქვათ „იდეალური„ არ არის. იმ ადგილებისთვის, რომლებიც დიდი მანქანებისთვის მიუვალია არსებობს მცირე ზომის გერმანული დანადგარი ფლიპი.

რა ღირს იატაკის მოხვეწა?

ქართულ ბაზარზე ჩამოყალიბებულია რეგიონის მიხედვით განსხავებული ფასები. თბილისში ძირითადად შემდეგი ფასებია:

  • რუსული ციკლოვკა რუსული დანადგარით (რუსული) 6-7 ლარი კვადრატზე

  • რუსული ციკლოვკა გერმანული დანადგარით (ჰუმელი) 7-8 ლარი კვადრატზე
  • გერმანული ციკლოვკა რუსული და გერმანული დანადგარით 10 ლარი კვადრატზე
  • გერმანული ციკლოვკა გერმანული და გერმანული დანადგარით (ჰუმელი + ტრიო) - 10 ლარი კვადრატზე
  • გერმანული ციკლოვკა გერმანული დანადგარით (მხოლოდ ტრიო) 10 ლარი კვადრატზე

ლაქის წასმა ფასში შედის. დაშპაკვლაში ზოგიერთი ხელოსანი ცალკე იღებს გასამრჯელოს. ამიტომ წინასწარ უნდა ვკითხოთ.

უნდა ითქვას ისიც, რომ მცირე ფართებზე ხელოსნები არ დადიან და თუ მოვლენ სტანდარტული ტარიფებით არ მუშაობენ. ეს ლოგიკურიც არის. მათაც თავისი ხარჯები აქვთ.

 

ციკლოვკა შეღებილ იატაკზე?

შეღებილი იატაკის ციკლოვკა უფრო შრომატევადი პროცესია და ზუმფარებიც მეტი იხარჯება. ხელოსნების ნაწილი უარს ამბობს ასეთი იატაკის ციკლოვკაზე. ვინც თანხმდება სხვა ტარიფებით მუშაობს. ასეთ შემთხვევაში იდეალურია ჰუმელის 12 იანი ზუმფარის გამოყენება.

რა ღირს ზუმფარები?

რუსული ციკლოვკისთვის 1-1,5 ლარის ზუმფარები იხარჯება.

გერმანულ ციკლოვკაზე ანუ 2 დანადგარით მოხვეწაზე დაახლოებიტ 3 ლარის. ზუმფარებზე  დეტალური ინფორმაცია შეგიძლია წაიკითხო აქ ზუმფარები პროფესიონალებისთვის.

 

პარკეტს ან იატაკს აქვს ღარები? რა გავაკეთოთ?

მიციკლოვკების დროს პარკეტებს შორის მოქცეული ჭუჭყი მაღლა ამოდის და ღარები უფრო შესამჩნევი ხდება. ეს ღარები უნდა შეივსოს ხის შპაკლებით.

ხის შპაკლი მზადდება სპეციალური სითხის შერევით ციკლოვკის დროს ხისგან აღებული სუფთა მტვრიდან. მზადდება ფაფისებური მასა, რომელიც მთელ იატაკზე უნდა განაწილდეს. თუ მხოლოდ წერტილოვნად მოხდა დაშპაკვლა და არა სრულად, შესაძლებელია ამოშპაკლული ადგილები ლაქებად დაეტყოს იატაკს.

არის მეორე ვარიანტიც: იყიდება კბილის პასტის მსგავსად გამზადებული შპაკლები, რომლებიც პარკეტის ფერის მიხედვით უნდა შეარჩიოთ.

ჩვენს ამბავს რომ დავუბრუნდეთ:

ელენე ამბობს ვიქირაოთ ციკლოვკის აპარატიო.  ვიდეოები დაუძებნია ინტერნეტში როგორ გამოიყენოს და თავი უკვე ციკლოვკის დედოფალი გონია.  

სხვა რა გზაა, უნდა გადავრეკოთ.

 

ვრეკავთ და გვეუბნებიან რომ აპარატები აქვთ, მაგრამ აქირავებენ მხოლოდ ხელოსნებზე და ისიც არა უცხოებზე. ცოტათი მიხარია. იმედია გადაიფიქრებს ქალბატონი.

 

სხვა ვარიანტია რომ პატარა ხელის მანქანებით მოიხვეწოს იატაკი. თეორიულად ესეც შესაძლებელია, მაგრამ 150 კვადრატზე ამის გაკეთება ელენესთვისაც ზედმეტია.

ციკლოვკის ხელოსანი

მიხარია. მგონი გადავრჩით და ვურეკავთ ციკლოვკის ხელოსანს. თავაზიანი შეგვხვდა. მოდის გერმანული აპარატებით. იმედია მისგანაც რაღაცას ვისწავლით.

ციკლოვკას მე გაგიკეთებთ, თან გასწავლითო. თქვენ შეიარჩიეთ ლაქი გინდათ თუ ზეთიო. ეს თემა ცალკე უნდა განვიხულოთ. აქ არის ინფორმაცია თემაზე ლაქი და აქ თემაზე ზეთი.

 

 ციკლოვკა გველოდება. ძალიან მაინტერესებს რა გამოვა.

 

ბოლოს ნანახი